Tit 1 | PONPDN | STEP | PAULUS ladun Kot o wanporon en Iesus Kristus amen, duen poson en me pilipildar en Kot akan o duen erpit en melel on pai ren Kot;

Titus 1

1 PAULUS ladun Kot o wanporon en Iesus Kristus amen, duen poson en me pilipildar en Kot akan o duen erpit en melel on pai ren Kot; 2 O kaporoporeki maur soutuk, me Kot so likam inaukidar mon tapin kaua. 3 A ni a ansau a kotin kasansaledar a masan ki padak, me ko on ia, duen kusoned en Kot atail Saunkamaur. 4 On Titus nai seri melel ni ata poson ta ieu: Mak o popol san ren Kot Sam o Kristus Iesus atail Saunkamaur en mi re om! 5 let karepen ai kamodan uk edi Kreta, pwe koe en kapwaiada, me kaikenta wiauier o kasapwilada saunkoa kan ni kanim karos, due i kakaliki on uk. 6 Saunkoa amen en indand mau, o warok en li ta men, o me na seri kan posonla, o so kaindandeki, me re kamom de sopeik. 7 Pwe pisop en punla, duen saunkoa en Kot amen, der katiwo, der purianikom, der kamom wain, der pamara, der norok moni. 8 A ren apwali men kairu o pok on me mau, o kanonama, o pun, o saraui, o makelekel. 9 Kolekoleta masan, me udan pun o koiok on padak, pwen kak on panauiki padak en kamaur o kapun on me katiwo kan. 10 Pwe ir me toto me malaun o kapei lokaia o me kaweid sapun, iet eten, kisan men sirkomsais. 11 Me mau on au ar en pinapinla, pwe re kin kawukila toun im toto, o me kin padapadaki, me sota mau, pweki moni. 12 Amen irail, pein arail saukop amen inda: Men Kreta me kalap likam, man sued o laualo, nain mana. 13 Kadede pot et me melel. Ari, i me koe en kapun kelail on irail, pwe ren kelailada ni poson. 14 O ren der insenoki en Sus oko ar kasoi mal akan o kusoned en aramas akan, me muei san melel. 15 Karos me kon on makelekel akan, a sota me kon on me samin o so poson akan, pwe arail lamelame o pil insen arail me samin. 16 Re kin inda, me re asa Kot, a ni ar wiawia kan re kin ponsasa i. Irail meid sued, o sopeik, o so koiok on son en wiawia mau karos.